Тогтвортой хөгжил
Бид аюулгүй ажиллагаа, эрүүл мэнд гэсэн хоёр ойлголтыг салгаж болохгүй гэж үздэг. Ажилтнуудынхаа эрүүл мэнд, амар амгалан байдлыг хамгаалах, дэмжих, сайжруулах нь аюулгүй байдлыг нь хамгаалж буйтай адил хэмжээний ач холбогдолтой юм.
Бид ажилтнуудаа шинэ үндсэн боловсруулалтын байгууламж, ажилтнуудын байрлах шинэ байраар хангаж, ажилтнуудаа шинэхэн жимс, хүнсний ногоогоор хангахын тулд шинэ хүлэмж зэрэг хэд хэдэн томоохон ажлуудыг хийгээд байна. Манай ажилтнуудын хөдөлмөрийн аюулгүй байдал болон эрүүл мэнд хамгийн чухал бөгөөд 2023 онд дөрөв дэх жилдээ дараалан Хугацаа алдсан гэмтлийн давтамжгүй ажилласан. Мөн Монгол Улсын хууль тогтоомжийн дагуу нийт ажилтнууд болон гэрээт гүйцэтгэгчдийг жил бүр эрүүл мэндийн үзлэгт хамруулж байна.
-
Эрүүл мэнд
Хармагтай төсөл Цогтцэций болон Манлай сумдын эрүүл мэндийн төвийн тохижилтын ажилд дэмжлэг үзүүлэн ажилласан. Мөн Билгэх багийн иргэдэд дархлаа сэргээх витаминжуулах аян, ахмадыг амралт, сувилалд хамруулах, иргэдийг эрүүл мэндийн үзлэгт жил бүр хамруулан иргэдийн эрүүл мэндийг дэмжих хөтөлбөрийг жил бүр хэрэгжүүлэн ажиллаж байна. -
Аюулгүй байдал
Манай Тогтвортой байдлын бодлого нь аюулгүй, эрүүл ажлын байраар хангах үүрэг хариуцлагыг илэрхийлдэг.
Ажилтнууд болон гэрээт гүйцэтгэгчдийг ажил эхлэхийн өмнөх хөдөлмөрийн аюулгүй ажиллагаа, эрүүл ахуйн зааварчилгаанд өдөр бүр хамруулсан. ХАБЭА-н зохицуулагч сар тутам хөдөлмөрийн аюулгүй байдлын тодорхой нэг сэдвийг сонгон, мэдээлэл өгч ажилдаг. Ажилтнууд болон гэрээт гүйцэтгэгчид тохиолдолж болох аюул, осол эрсдлийн талаар ээлжийн ахлагчдаа мэдээлэх үүрэгтэй. Мөн өрмийн талбай кэмпэд зочилж буй зочдод аюулгүй байдлын зааварчилгаа өгч ажилладаг.
2023 онд эрүүл мэнд, хөдөлмөрийн аюулгүй байдлын бүхий л холбогдох дүрэм журмыг мөрдөж, үүний үр дүнд аливаа зөрчилгүй ажилласан.