Тогтвортой хөгжил

Бид уур амьсгалын өөрчлөлтөд үзүүлэх нөлөөллийг аль болох багасгахыг хичээж ажиллах болно. Энэ зорилгоор бид төвийн эрчим хүчний системд холбогдож, говьд дасан зохицсон мод, бут, сөөг нэмж тарих замаар ногоон байгууламжийн хэмжээг нэмэгдүүлэх зэрэг арга хэмжээг авч хэрэгжүүлж байна.

Бид байгаль орчны хууль тогтоомжийн нийцлийг хангах үүрэг хүлээж ажилладаг ба хайгуулын орчин үеийн, дэвшилтэт арга техникийг ашиглан одоогийн болон ирээдүйд байгаль орчинд үзүүлэх нөлөөллийг багасгах болно.

Жил бүр Байгаль орчны менежментийн төлөвлөгөө (БОМТ)-г орон нутгийн төрийн байгууллагаар батлуулан ажилдаг. Түүнчлэн орон нутгийн байгаль орчны байгууллагуудаас явуулдаг байгаль орчны хууль, тогтоомжийн нийцлийн төлөвлөгөөт болон төлөвлөгөөт бус хяналт шалгалтад амжилттай хамрагддаг. 

Бид үйл ажиллагаа явуулж буй газар нутгийнхаа биологийн олон янз байдал, экосистемийг хадгалахыг зорьж байна.

Энэ зорилгоор газар хөндөх, өнгөн хөрс хуулж, хадгалах, эргүүлэн ашиглах, нөхөн сэргээлт хийхдээ холбогдох стандартын болон дотоод журмын шаардлагыг мөрдөж ажилладаг.

Ургамал ургах, амьтны амьдрах орчин өөрчлөгдөх, төрөл зүйл устах, зэрлэг  амьтан дайжих сөрөг нөлөөллөөс сэргийлэх зорилгоор үндсэн болон туслан гүйцэтгэгч компанийн ажилтнуудад сургалт, мэдээлэл өгдөг.

Ус бол Монгол орны үнэт баялаг юм. Бид усны ашиглалт болон хэрэглээг сайтар хянаж, бохир ус зайлуулах үйл явцад хариуцлагатай ханддаг.

Машин техникийн тос асгарч, хөрсийг болхируулах, улмаар гадаргын болон гүний ус бохирдохоос сэргийлэх, асгаралтыг удирдах, бохир усыг цэвэршүүлэх, дахин ашиглах менежментийг хэрэгжүүлдэг.

Ахуйн болон үйлдвэрлэлийн хог хаягдлыг ангилан ялгаж, дахин ашиглах, боловсруулах нөхцлийг бүрдүүлэх, хог хаягдлыг багасгах, аюултай хог хаягдлыг холбогдох зохицуулалтын шаардлагын дагу хадгалж, тээвэрлэх үйл явцыг хэрэгжүүлдэг.

Бид байгаль орчинд үзүүлэх сөрөг нөлөөллийн эрсдэлийг бууруулах, орчин үеийн, дэвшилтэт хайгуулын арга хэрэгслүүдийг ашиглах стратегийн дагуу ажилладаг.

Оюут Улаан ХХК-ийн Төлөөлөн удирдах зөвлөл нь байгаль орчны асуудлуудад хяналт тавих чиг үүрэгтэй. Төлөөлөн удирдах зөвлөл Хөдөлмөрийн аюулгүй байдал, эрүүл ахуй, байгаль орчны хороог ажиллуулж энэхүү үүргээ үр дүнтэй хэрэгжүүлж байгаль орчны хууль тогтоомжийн нийцлийг ханган ажилладаг.