Тогтвортой хөгжил

Хармагтай төсөл 2015 оноос орон нутгийн иргэдийг дээд боловсрол эзэмшихэд зориулан тэтгэлэг олгох хөтөлбөрийг хэрэгжүүлж эхэлсэн. 

2015 оноос эхлэн 2024 оны байдлаар 155 оюутан тэтгэлэгт хамрагдсан. 

Хармагтай төсөл орчмын сургуулийн өмнөх насны хүүхдүүд хамрагдах цэцэрлэгийн анги танхимыг шинэчлэх зорилгоор 2021 онд STAR хөтөлбөрийг эхлүүлж Өмнөговь аймгийн Цогтцэций сумын 30 дугаар цэцэрлэгт 2021-2024 оны хугацаанд нийт 8 анги, танхимд бүрэн тохижилт, 6 дугаар цэцэрлэгт шаардлагатай эд зүйлсээр дэмжин ажилласаар байна.

30 дугаар цэцэрлэгт Хармагтай төслөөс тохижилт хийснээр нутгийн иргэд тус цэцэрлэгт хүүхдүүдээ хамруулах хүсэлт их гаргасан ба жишиг, шилдэг цэцэрлэг болсон.

Хармагтай төсөл ирэх онуудад цэцэрлэгийн хөгжилд зориулсан хөтөлбөрийг үргэлжлүүлэн хийсээр байх болно.

Төслийн хүрээнд Цогтцэций сумын Нэгдүгээр сургуулийн Билгэх багийн ангийн сурагчдыг хичээлийн хэрэгслээр дэмжлэг үзүүлсэн. Ирэх онуудад сургуулийн тохижилтийн ажлыг дэмжин ажиллах төлөвлөгөөтөй байна.